Dear Papa Joe
Ako si Grace. Since nitipon na akong ugangan nga babaye namo, lisod na kaayo siya og batasan. She is 56 years old. Tanan namong desisyon sa akong bana, siya maoy maghimo, kusog mang bully nako, tuyoon niya nga iya kong samuksamukon sa balay. I don’t know if unsa ang iyang tuyo or gusto ba niya nga akoy mohawa sa among balay kay ang gusto niya motipon sad iyang bana ug usa ka anak nga 31 yrs old diri sa amoa. Pero dli sila motipon kay murag kiwawan sila kay sa ulitaw pa ni akong bana, naglahi nani siya og puyo. Dihang nagminyo mi, nag loan mi og balay. Giapilan namo sila og 3 rooms kay nanghangyo iyang mama kay magtagsa sila og room kon motipon sila. Daku-daka mi og bayranan kada buwan pero ni okay ra ko kay maayo pa man siya nako ato nga time.
Naa mi anak nga 2 years old. So, akong hangyo sa akoang hubby nga unyag school na lang ni baby mag part-time job na lang ko para mkalikay sa iyang mama. Akong bana nagduha-duha pa sa plano. Akong gipasabot niya nga di na nako makaya kon mag-antos pa ko og pila ka tuig nga naa diri sa balay kuyog iyang mama kay grabe kaayo og batasan, labi na og ma assign na siya og layo puhon. Stress na kaau ko sa iya mama, Papa Joe. Di na ko katarong og huna-huna, di ko ka focus sa akong mga buhaton kay nagsige siya og sunodsunod magbantay og unsay sayop. Usahay makaingon ko nga molayas ko, dalhon nako ang bata pero maluoy ko sa akong bana. Please tambagi ko.
GRACE
Grace,
Matag problema madala ra man siguro og istorya ug pagsabot. Walay lain unta ang mosulti ana ang imong bana para dali sila makasabot ug di lainon pagsabot nga di ka mapuy-an. Basin sad og way laing kapangitaan og income iyang mama nga basin nakalimot siya nga niipon ra siya ug wala na siya sa ila.
Sabta lang sad, Day, basin sa edad na sad niya mao nga ing ana siya. Basin naay rivalry between you and her mao nga kon mahimo sad, i-extend pa pasensya nimo. Salamat.
PAPA JOE
(sa inyong tampo ipadala lang sa papajoesuperb@gmail.com)