Makahuloganon ug malinawong paghandom

MGA panghinaut sa usa ka makahuluganon ug malinawon nga paghandom sa mga minahal sa pagsaulog sa Adlaw sa mga Santos karon ug Adlaw sa mga Kalag ugma.

Pagtambong sa misa, paglitok og pag-ampo, paghalad og bulak ug pagdagkot og kandila ang naandang mga buluhaton ug dili ang pagtagay sa ilimnong makahubog.

Ang batan-ong artistang si Marco Gallo ang dinapit ni Maam Rosemarie Gaisano sa paglunsad kagabii sa A Million Thanks Raffle Promo sa Gaisano Main, Gaisano Country Mall, Gaisano Balamban, Gaisano Bogo ug Gaisano Moalboal.

Tulo ka bag-ong awto, mga telebisyon, refrigerator, washing machine ug stand fan ang nagpaabot sa palarang mamamalit ug labing menos usa ka libo aron makaangkon og raffle ticket.

Sa Disyembre 27, 2019 ang unang pagbola. Syempre, may artista.

Wa ko magbasol nga nibyahe gikan sa Oslob niadtong Oktubre 23 aron pagtambong sa pagsaulog sa ika-25 nga anibersaryo sa Superbalita Cebu nga gihimo sa Cebu Parklane International Hotel kay nagka-bonding mig usab sa mga kauban sa trabaho.

Didto usab sila si Cebu Governor Gwen Garcia, Cebu City Mayor Edgardo Labella, Bise Mayor Mike Rama, Talisay City Mayor Samsam Gullas, Lapu-Lapu Mayor Junard Chan ug Presidential Assistant for the Visayas Secretary Michael Dino.

More power, Superbalita Cebu!

Abi gyud nakog moundang na si Janella Salvador sa pagsul-ob og off-shoulder nga mga sinina. Padayon man gihapon. Duna kahay kalabutan sa istorya ang istilo?

Di sab kay ako ray gipul-an pagtan-aw sa maong istilo. May mga higala ko nga susamag gibati.

Nakurat og nalingaw ko sa pagkakita nako ni Malu Barry nga niapil sa TNT Celebrity Champions. Wala na ko makakita ni Malu sukad nagkahigala kami dinhi sa Cebu pila ka tuig na ang nilabay.

Giganahan ko sa ilang batch nga naglangkob ni Rafa Siguion-Reyna, Cris Pastor ug Orlando Sol nga nakaistorya namong taga E-Group dihang nag-promote sa iyang album kuyog ni anhing Maryo J. delos Reyes.

Wala ko masayop dihang akong gitagna nga makapadaug ni Arjo Atayde og acting award ang iyang papel isip special child sa di pa kaayo dugayng natapos nga serye nga The General’s Daughter.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph