Trap misaad og upat ka gold sa SEA Games

MALAUMON ang Triathlon Association of the Philippines (TRAP) nga makalabni og upat ka gold medals sa ika-30 nga Southeast Asian Games sa Subic Bay nga ipahigayon sunod buwan.

Kini bisan pa man og wala ang usa nila ka pambato nga si Nikko Huelgas kinsa nakadesisyon nga dili lang una mosalmot ug ihatag ang kahigayonan ngadto sa mga batan-on.

Si TRAP president Tom Corrasco way kahadlok nga mibutyag nga upat sa unom ka gold medals ang siguro gyud nilang makuha.

Sa nasayran nga ang 28-anyos nga Huelgas, kinsa naka-gold sa Kuala Lumpur, Malaysia niadtong duha na ka tuig ang nakalabay, ug ingon man sa Singapore niadtog 2015, ang nakasinati og injuries sa niaging katuigan ug wala kini makakuha og slots sa men’s individual event nga nahipunta sa mga batan-on nga sila si Kim Remolino ug John Chicano.

Si Remolino, 19 anyos, mao karon ang numero unong gisaligan nga maka gold sa men’s class human moguwang top Filipino sa Asian Triathlon events sa Subic sa niaging Mayo ug sa Gyeongju, South Korea sa June human kini makaangkon sa ika-17 nga luna sa mga nahisgutang events.

Si Chicano, sa iyang bahin, nahimo usab nga paborito tungod sa iyang paghagdaw og silver medal sa niaging edition sa matag duha ka tuig nga sporting competition. JBM

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph