Kalag-kalag, pasalamat sa mga namatay na

CEBU. Si Felix Bacho uban ang iyang asawa nagpa-limpyo sa mga nitso sa iyang katiguwangan diha sa Cansojong Cemetery. Nisaysay nga matag kalag-kalag mokanaug siya sa barkong'gitrabahuan ug mouli aron sa pagpakita'g pagyukbo ug pabiling paghiguma sa mga kabanay nga namatay na. (Hulagway kuha ni Fe Marie Dumaboc)
CEBU. Si Felix Bacho uban ang iyang asawa nagpa-limpyo sa mga nitso sa iyang katiguwangan diha sa Cansojong Cemetery. Nisaysay nga matag kalag-kalag mokanaug siya sa barkong'gitrabahuan ug mouli aron sa pagpakita'g pagyukbo ug pabiling paghiguma sa mga kabanay nga namatay na. (Hulagway kuha ni Fe Marie Dumaboc)

NGANONG ulion gyud sa kadaghanan ang Adlaw sa mga Santos ug Kalag?

Usa sa mahimo nga peak season sa mga pasahero diha sa mga pantalan ug mga terminal ang kalag-kalag.

Alang sa usa ka managkutay nga 30 na ka tuig nga seaman nga usa kini sa mga paagi pagpakita sa ilang pagyukbo ug paghigugma sa mga kabanay nga nitaliwan na.

Si Felix Bacho, 56 anyos, taga Dakbayan sa Talisay, usa ka 3rd engineer nga seaman, kansang bakasyon o sa iyang pag-uli ang alang kaniya pilion niyang matunong sa Adlaw sa mga Kalag ug mga Santos kaysa Pasko o uban pang okasyon sa matag usa ka tuig.

Kini aron dili lang ang pamilyang mga buhi ang iyang mapakitaan sa paghigugma kundi lakip na sa mga minahal sa kinabuhi nga nitaliwan na.

Pasabot ni Bacho nga parehong paghigugma ug pagrespeto ang iyang gihatag sa mga minahal nga buhi pa ug sa patay na, ilabi na aron sa pagpadangat sa pagpasalamat.

Niadtong Lunes, Oktubre 28 lang siya naabot apan lahos usab dayon siya sa lubnganan sa iyang mga ginikanan, apohan ug uban pa nga katiguwangan.

Iyang giangkon nga nituo siya nga gawas sa pag-ampo direkta sa kahitas-an, ang pag-ampo pinaagi sa mga nitaliwan nga kabanay, ang makatabang usab nga daling madungog ang mga giampo.

“Motuo gyud ko nga bisan unsa nga imong mga pag-ampo nga ipaagi nimo sa imung mga katigulangan, dunggon gyud kini sa Ginoo. Sa matag abot ug lawig nako og balik, moduaw gyud ko diri (sementeryo) kay gawas sa pag-ampo alang nila, kanato, pasalamat na usab nila kay wala ta kon wala pa usab sila,” pasabot ni Bacho.

Susama usab niini ang panahon sa uban pang mangduaway diha sa Dakbayan sa Talisay. (FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph