Manila - Diri sa Manila, kagahapon nanagkot sa mga sementeryo ang mga tawo para maduaw ang lubnganan sa ilang mga mahal sa kinabuhi nga mibiya na niining kalibutan pero sa Visayas, karong adlawa, Nobiyembre 2 jud ang atong duaw sa sementeryo og ang tagsa-tagsa ka panimalay adunay “halad,” gabii sa Nobiyembre 1 para sa mga namatay na tungod kay nagtuo kita nga ang ilang kalag mobalik ug mokaon sa mga halad pag-abot sa November 1 .
Three weeks ago, nagbangutan ang showbiz tungod sa pagpanaw sa movie queen nga si Amalia Fuentes, dungan-dungan sad sa pagkamatay sa veteran actor nga si Tony Mabesa. Namatay sad karong tuiga ang usa pa ka veteran actress nga si Mona Lisa, ang veteran actor nga si Eddie Garcia, Gary Lising, Chokoleit, Bentong, Pepe Smith, Lilia Cuntapay, Kristoffer King, ang beauty queen nga si April Love Jordan, ug ang GMA 7 Field Reporter nga si Maria Ausente.
Sa kadaghan na sa mga artistang namatay na, dili igo ang atong espasyo so mag-concentrate na lang ta sa mga batang artista nga sayo kaayong gikuha ni Lord.
Siyempre, nanguna sa kanila si Julie Vega nga sikat na sikat nga batang artista kaniadtong early 80’s nga bida sa gikahinamang teleserye kaniadto nga Annaliza (ang tawag pa kaniadto ay “soap opera”); ang gwapong si Rico Yan nga kanhing uyab ni Claudine Barretto; ang Starstruck nga si Tyrone Perez nag nagpusil sa iyang kaugalingon.
Si Mico Sotto nga kanhing uyab ni Angel Locsin, anak ni Ali Sotto ug Maru Sotto nga nahug sa building; pasok sad dinhi ang gwapong si AJ Perez nga namatay sa usa ka car accident after niya mag-show sa Bangus Festival sa Dagupan City.
Ang Hashtags member nga si Franco Hernandez nga nabagok ang ulo sa dihang nag-outing sila sa Mindanao kauban ang iyang uyab og co-Hashtag member nga si Tom Doromal (nga maoy nangimbitar); ang sexy star nga si Halina Perez nga namatay sad sa car accident on her way to Manila gikan sa usa ka show sa Bicol; ang beauty queen nga si Rizzini Alexis Gomez na mingdaug as Miss Tourism International 2012; si Ramgen Revilla nga gituohang gipapatay sa mismong kamag-anak niya; ang former child star nga si Ten Ten Munoz; ang child actress nga si Sophie Corullo na ngamatay sa Dengue (ang Minnie Me ni Anne Curtis); uban pang batang artista nga namatay og wala nay chance nga ipadayon ang ilang pagkab-ot sa ilang mga pangandoy sa showbiz.
Siyempre, dili lang mga taga showbiz ang atong gipamalandong karong kalag-kalag, ang tanang mga loved ones nato nga mingpanaw na hilabi na kadtong giingong nasa “purgatoryo” pa ang ilang mga kalag, kaluy-an unta sila.
Ug sa akong mga ginikanan nga mingpanaw na, si Papa Macario Tolomia Basil ug Mama Delfine Timonel Basil ug sa akong mga igsuon nga sila si Carmelita og Gumersinda, till we meet again og puwede na siguro batiin ko kamo og “Happy Halloween”.