MALAMPUSON ang unang Binulig Football Festival nga gilusad sa Panabo United Football Club (PUFC) kauban ang suporta sa City Government of Panabo, sa Panabo Gym Grounds, Oktubre 26 ngadto 27.
Sa unang adlaw, usa ka football clinic ang gipahigayon nga gipartisipar sa mga bata nga out-of-school youth, children in conflict with law (CICL), ug Indigenous Peoples (IP).
Sa torneyo, mikampeyon ang grupo sa MACU FC (U8 & U12 Mixed), NUFC (U10 Mixed), PUFC YELLOW (U9 Mixed), New Bataan (U11 Mixed) ug PUFC (U13 Mixed).
Nakakuha sab og MVP award sila Elijah Keith Mortejo, Nazulala Oxa, Rene Plaza Jr., Song Andres Barabat, ug Axl Rey Genelaso.
Dako ang kalipay ni City Mayor Jose Relampagos sa mga misalmot sa football festival.
Uban sa kalihukan ang Lokal nga Panggamhanan sa Panabo ug ang PNP Panabo. (PR)