NIABOT na kagahapon si Manny Pacquiao sa Cowboys Stadium uban sa iyang entourage sakay sa bus nga adunay dako niyang hulagway.

Pormal nga naglakaw nga nagkawo ug nagsul-ob og itom nga blazer, ug dayon dali niya kining giilisan sa puwa nga jacket nga may MP log.

"The Manny Pacquiao Blog". Click here for stories and updates on the Filipino boxing champ.

Giulohan og “The Event,” si Pacquiao modepensa sa iyang titulo batok ni Joshua Clottey sa Ghana karong Dominggo sa $1.2 billion nga Cowboys Stadium.

Gibanabana nga moabot ngadto sa 45,000 ka mga tawo ang mohan-ok kon ang tag-iya sa Cowboys nga si Jerry Jones modesider pagbaligya og standing-room-only tickets.

Gawas niini, ang pay-per-view audience, matod ni promoter Bob Arum, posibling moabot ngadto sa 700,000.

Ang WBO welterweight champion — nga gikonsiderar karon nga best fighter sa tibuok kalibutan — mihulagway sa tibuok semana nga usa ka dako niyang performance.

“I’m inspired to give a good show, to do my best,” matod sa mapahiyumon nga Pacquiao. “To impress the people, you have to make your best (effort).”

Wa magdugay, misaka usab dayon si Freddie Roach sa stage ug miingon atubangan sa mga tawo, “there’s no stage big enough for Manny Pacquiao.” He loves it, and I

love it. He’s going to perform for the crowd. He’ll entertain all 45,000. He’ll entertain everybody.”

Subling gipasabot ni Roach nga ang nag-aso-asong kumo ni Pacquiao (50-3-2) nga maoy permi niyang gamiton sa matag away maoy lig-on nilang hinagiban.

Hinuon si Clottey (35-3) nga taga Ghana naila sa iyang pagkamaayong mosagang sa mga kinumo. Wa pa usab siya ma-knocked out sa iyang mga away ug kausa ra usab siya matumba.

“Blocking punches doesn’t win fights,” matod ni Roach. “I think we can stop him in the late rounds. The accumulation of punches he’ll be taking in this fight he’s never seen before. ... I don’t think he’ll be able to handle it.”