Carcar City Mayor's Cup semi-commercial caging sugdan

Mga duwa karon Nobyembre 03, 2019

7 pm - Lapu-lapu vs Kechel

8:30 pm - South Dreamers vs. Kyrie N. Dave

Sugdan na karong gabii ang gipaabot nga ika-11 nga edisyon sa Carcar City Mayor’s Cup semi-commercial tournament diha sa Carcar City Sports Complex.

Sa opening match, ang Khecel nga pangulohan nila ni Joshua dela Cerna, Kyle Ruedas ug Jaylor Castro, makigsangka sa Lapu-lapu nga gibituonan nila ni Tanciong Bungangciso ug Loyd Solis.

Sa main game, ang South Dreamers mosuway usab sa katakos sa Kyrie Dave, ang runner-up sa bag-o lang natapos nga Aloguinsan Mayor’s Cup.

Mobida sa South Dreamers sila si Richmond Lapinid ug Richmond Bersabal samtang mangulo usab sa Kyrie Dave ang mga beteranong sila si Alfred Belande, Jason Balabag, ug James Ferraren.

Ang torneyo mosunod sa single round robin format diin ang top two teams maoy magsangka alang sa championship samtang ang no. 3 ug no. 4 teams ang mag-ilog alang sa third place honor.

Ubos usab sa lagda, nasabutan nga mga local players lang ang makaduwa sa elimination round apan tugotan kini nga makakuha og import ang teams sa championship game.

Ang makampiyon adunay P50,000 ug tropeyo samtang P30,000 sa second place.

Makabulsa og P20,000 ang third placer ug P10,000 alang sa fourth placer. Ang mga kalihukan maoy tipik sa nagsingabot nga kasaulogan sa kapistahan sa maong dakbayan.

Gawas sa basketball, aduna usab motocross nga ipahigayon sa Nobiyembre 17 duol sa bag-ong natukod nga city hall ug ingon man downhill mountain bike challenge.

Nagpadayon usab ang lawn tennis ug ang volleyball events.

Si vice-mayor Nice Apura maoy nagsilbing over-all chairman nga giayudahan nila ni Victor Ian del Rosario (co-chairman), hon. Laurence King Quijano (vice chairman), commissioner Celedonio Abayata Jr., asst. commissioner Ritchie Emnace ug mga sakop nga sila si Reynaldo Regis, Diomedes ug Amraphil Campugan. Si Edwin Dejacto maoy technical committee head. JBM

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph