ANG Pilipinas gideklara nga “polio-free” sud sa 19 ka tuig, hangtud subli kining mibalik subay sa laboratory test, Septyembre ning tuig.
Una pa man gideklara nga polio-free ang nasud, si Adrian Tamayo usa sa mga kabataan nga nakabaton sa virus, rason nga nadeform ang iyang usa ka tiil dihang siya 9-months pa lang.
Nahimugso ug nagdako sa Hagonoy, Davao del Sur, gipaambit ni Tamayo paunsa kalisod ang iyang pagdako.
Otso anyos siya dihang nagsugod siya sa Grade 1 tungod 10 kilometros ang distansiya nga gikinahanglan latason sa iyang ginikanan, mao nga mibalhin sila sa mas duol sa eskwelahan.
Ang iyang mga klasmeyts ug maestra mohatag og ispesyal nga pagtratar kaniya tungod sa iyang kondisyon, apan gipamatud-an sab niyang pwede siyang mahimong normal nga bata.
Usahay mobati siya og kasilag sa mga klasmeyts niya tungod di siya kapartisipar sa mga physical activities, apan ang kondisyon niya midasig pa aron maningkamot siya sa academics.
Tungod sa iyang kakugi, napili siyang presidente sa University of Southeastern Philippines (Usep) Obrero in college.
Si Tamayo nahatagan sa labing una nga “Outstanding Graduate” sa Usep niadtong 2004, usa ka pag-ila nga ginahatag sa mga estudyante nga mipakita sa maayong performance.
Mapasalamaton man siya sa rekognasyon, apan wa niya gilantaw ang kaugalingon nga “excellent,” diin suma niya gihimo lamang niya ang mga butang nga alang niya kaya niyang himuon.
Wa sab niya gikwestiyon ang nahitabo sa kinabuhi, inay gikonsidera niya kining gasa.
Tungod niini daghang oportunidad ang miabot kaniya, diin nakatudlo siya sa nagkadaiyang tunghaan sa siyudad.
Nakatrabaho sab siya sa Mindanao Development Authority (Minda) isip communications head.
Niadtong 2018, ang kanhi Minda chair Secretary Abul Khayr Dangcal Alonto mihatag og tahas niya nga mahimong usa sa advocates sa pagduso sa federal-type of government sa nasud, usa ka damgo ni President Rodrigo Duterte.
Duol sa kasingkasing ni Tamayo ang pederalimos tungod alang niya nasinati siya ang kalisud nga di mabahinan og sakto ang iyang dapit sa mga rekursos sa nasud.
“Perhaps this had led to me acquiring polio because I was not given the vaccine brought by the poor health services in my hometown,” suma niya.
Sama niya, gitawag niya ang kasamtangang sistema sa gobyerno sa nasud nga “disability” nga dala sa nagpadayong kalisud ug kapobrehon.
“What I learned in life is that this saying: when you stumble and fall, you will rise. It’s not only a cliché idiomatic expression,” dugang niya.
Nagtuo sab siya nga responsibilidad sa tanan nga mapalambo ang kaugalingon may kakuwangon man sa lawas o wala.
“Remember, we always have a share in this life. We have to improve ourselves. What current gifts we have, we have to take care of it, for the improvement of ourselves and to others,” panapos ni Tamayo.