3 ka tawo nangalagkalag sa prisuhan

TULO ka mga lalaking nakuhaan og shabu sa prisuhan sa Dakbayan sa Talisay nangalag-kalag.

Ang mga suspek giila nga sila Mike Glenn Canillo, 33; Juvenson Alforque, 33; ug Ferdinand Galeos, 35.

Ang tulo nasikop sa kapulisan sa Dakbayan sa Talisay nga nag-roving sa sitio Mananga 2, Barangay Tabunok, Siyudad sa Talisay niadtong Biyernes sa gabii, Nobiyembre 1.

Ang mga pulis sa Talisay City Police Station daling niresponde sa tawag usa usa ka concerned citizen kalabot sa kadudahang lihok sa tulo.

Ningresponde ang mga pulis nga anaa ra usab nag-roving duol sa dapit.

Naaktuhan ang mga suspek nga nagdala-dala sa walo ka mga pinakete sa gituohang shabu.

Nagduda ang mga pulis nga gikan nipalit ang tulo og shabu alang unta sa pot session una mobilar sa sementeryo.

Gisusi pa usab nila kon diin nagagikan ang shabu nga dala sa mga suspek.

Giimbestigar na kon anaa ba sa drug watch list ang mga suspek.

Naa sila sa Talisay detention cell nangalagkalag, ilabi na nga ang pagpasaka og kaso, himuon sa Lunes pa, Nobiyembre 4.

Taliwa sa kasaulogan sa Todos los Santos ug Kalag-Kalag, gipahugtan sa kapulisan ang seguridad pinaagi sa mga rioving. FMD