MCWD, GSP nagpirmahay alang sa paggamit sa luna nga kubkoban alang sa 2 ka mga tabay

Ang Metropolitan Cebu Water District (MCWD) ug Girl Scouts of the Philippines ningpirma og 10-ka tuig nga kasabutan alang sa paggamit sa tipik sa luna sa GSP sa Barangay Kalunasan, Dakbayan sa Sugbo alang sa duha ka bag-ong mga atabay.

Kining duha ka bag-ong mga tinubdan sa tubig mobenipisyo sa mga konsumidor sa Barangay Capitol Site ug Barangay Kalunasan ingon man mosulbad sa supply sa tubig sa Cebu City Jail.

“We hope this will provide relief to the residents of these barangays as well as improve the conditions in the city jail,” matod ni MCWD General Manager Jose Eugenio Singson Jr. (Ang resignation ni Singson niepekto sugod niadtong Nobiyembre 1.)

Gawas sa mga atabay sa GSP, ang MCWD ni-award usab og bulk water supply contract ngadto sa Mactan Rock Industries Inc. alang sa 3,000-cubic-meter matag adlaw nga supply alang sa Barangay Capitol Site ug Kalunasan. Ang mga Barangay Kalunasan ug Capitol Site naapil sa mga dapit nga dunay kakuwang sa supply sa tubig sukad niadtong 2016 dihang ang 2015 nga El Niño phenomenon nakaapektog maayo sa mga tinubdan nga nisangko sa pagkuwang.PR