SUPERBALITA CEBU

Wanted ‘misukol’ sa pulis, patay

■ PATAY: Giiwagan sa flashlight sa usa ka sakop sa Dala­guete Police Station ang lawas ni Luciano “Ciano” Dibdib nga napusilan ug namatay sa giingong pakigpinusilay sa mga pulis sa lungsod sa Dalaguete Sabado sa kaadlawon, Nobiyembre 2, 2019. Estorya sa pahina 2. / Tampo Sa Police sa Dalaguete

DEAD on arrival (DOA) sa tambalanan ang usa ka mag-uuma nga wanted sa lungsod sa Dalaguete human giingong nakigpinusilay sa mga pulis sa lungsod sa Dalaguete alas 2 sa Sabado sa kaadlawon, Nobiyembre 2, 2019.

Gawas nga wanted siya sa kasong frustrated murder ug giisip nga no. 2 most wanted sa Dalaguete police, giingong namusil nianang Biyernes sa gabii, Nobiyembre 1, ang suspek nga giilang si Luciano “Ciano” Dibdib, taga Barangay Sacsac sa maong lungsod.

Matod ni Police Major Rolan Aliser, hepe sa kapulisan sa Dalaguete, nga si Dibdib ang suspek sa pagpusil kang Elisa Argoncillo sa Barangay Jolomaynon sa samang lungsod mga alas 7 sa Biyernes sa gabii.

Si Argoncillo bayaw ni Dibdib kay igsuon siya sa asawa sa suspek.

Matod ni Aliser nga sa wa pa mamusil si Dibdib, nibahad siya sa mga paryente sa iyang asawa nga kon kinsa ang magsige og pangdaut kaniya ug sa iyang asawa, iya kining patyon.

Nianang mga alas 7 sa gabii, niabot sa balay ni Argoncillo sa Dibdib ug nipusil sa ulo sa biktima gamit ang wa pa matinong kalibre sa armas.

Si Argoncillio anaa pa sa kritikal nga kahimtang sa Vicente Sotto Memorial Medical Center (VSMMC) sa pagsuwat ning taho.

Gialarma ang kapulisan sa pagpamusil. Ilang gipangita si Dibdib ug dunay nakasulting kabanay ni Argoncillo nga niuli sa ilang balay sa Barangay Sacsac si Dibdib.Ang kabanay maoy nakakita sa pagpusil ni Dibdib kang Argoncillo.

Sa pag-abot sa kapulisan, ilang gisangpit si Dibdib ug nipaila sila nga mga pulis.

Giingong nigawas si Dibdib sa balay ug giingong namusil sa mga pulis.

Ilang gibaslan si Dibdib, kinsa naigo sa nagkadaiyang bahin sa lawas.

Matod ni Aliser nga ilang gidala sa Julio Cardinal Rosales Memorial Hospital si Dibdib, apan gideklarar nga DOA.

Nakuha sa mga pulis sa dapit ang usa ka 5.56 caliber Frontier revolver nga dunay duha ka mga bala ug kabhang, pugakhang, mga pinuti ug uban pang mahait nga mga hinagiban.

Si Aliser niingon nga ikaduha sa ilang listahan sa most wanted si Dibdib.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph