WALAY kabutangan sa kalipay sa mga bata sa Barangay Ilang, Bunawan District, Davao City nga naka-benepisyo sa feeding program nga gidalit kanila.
Moihap sa 74 ka mga bata ug 19 ka mga hamtong gikan sa Purok Grand Canal sa maong barangay ang naka-benepisyo sa palugaw sa CAPAZCEPA Fraternity & Sorority.
Tumong sa grupo nga makapalipay sa kabataan og makatabang sa tubag sa malnutrisyon sa dapit.
Sa milabay sab nga gabii, ang grupo miadto sa mga lugar sa North Cotabato diin asa midalit og tubig, lugaw ug mga nag-unang gamit ngadto sa mga biktima sa linog.
Sa mosunod nga mga adlaw, mopahigayon pa og outreach program ang maong grupo isip usa sa ilang gipanumpaan ang pagtabang sa nanginahanglan.
Dako ang pasalamat sa grupo sa mga indibiduwal nga nagasuporta sa ilang mga programa.
Ang CAPAZCEPA Fraternity & Sorority usa ka kahugpungan diin asa milig-on sa pagtuo ug paglaum sa usa ka indibiduwal nganha sa komunidad.