Lokal Kasikas: Pagtabang ni Angel Locsin sa Mindanaoans, gihangop

Lokal Kasikas: Pagtabang ni Angel Locsin sa Mindanaoans, gihangop

ALANG sa mga biktima sa linog sa Mindanao, usa ka buhing anghel ang aktres nga si Angel Locsin.

Nobyembre 1 naukay ang netizens sa post sa SunStar Davao samtang makita ang aktres nga namalit og bugas, ug ubang goods sa dakong tindahan sa may R. Magsaysay Avenue ning siyudad sa Davao.

Kauban sa aktres ang pamanhunon nga si Neil Arce samtang nagkapuliki sa pagpamalit og ipanghatag sa mga biktima sa linog diha sa NCCC Uyanguren.

Sa report sa National Disaster Risk Reduction and Management Council (NDRRMC), anaa na sa 23 ang pata tungod sa linog nga mitay-og sa Cotabato ug kasikbit dapit sukad Oktubre 16.

Una pa man miduaw sa Davao City, nakita pa si Angel nga mitambong sa “Opulence” Halloween party nga giorganisa ni Raymond Gutierrez, Oktubre 31.

Samtang sa video nga gipost sa Facebook user Sydelle Mangao Delgra, madungog nga nagpasalamat ang aktres sa tanang volunteers nga mitabang sa pag-pack sa mga ayuda alang sa mga biktima sa linog.

“Wag kayong magkakasakit. Maraming nangangailangan sa inyo,” ni Angel sa video.

Subay sa mga social media post, unang miabot si Angel sa Digos, samtang may video sab nga nagpakita sa iyang pakigsandurot sa mga mibakwit sa Barangay Batasan sa Makilala North Cotabato.

Di kini ang unang higayon nga gipakita sa aktres ang dakong kasing-kasing sa pagtabang.

Atol sa giyera sa Marawi niadtong 2017, usa ang aktres sa nangunay og hatag sa mga relief goods alang sa mga biktima.

Si Angel, volunteer sa Philippine National Red Cross.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph