LALAKENG nibilar sa gipatay niyang ig-agaw gipatay usab sa nagbinugtong nga tawo pasado alas 4 kagahapon sa kaadlawon sa Sityo Sampaguita, Villagonzalo, Barangay Tejero, siyudad sa Sugbo.

Ilang gibilaran sa dapit ang usa sa biktima nga girakrakan sa milabay nga adlaw nga nikalas og duha ka batan-ong mga lalake sa mao gihapon nga dapit.

"The Manny Pacquiao Blog". Click here for stories and updates on the Filipino boxing champ.

Ang biktima giilang mao si Manuel Limpangog, 17, taga Villagonzalo, gidudahang sakop sa gang ug ig-agaw sa gipatay nga sakop sa gang sa milabay nga kaadlawon.

Sa pasiuna nga imbestigasyon nga gihimo nila ni PO3 Geofrey Gutual, PO2 Lou Pagara, PO2 Leroy Baguio ug PO2 Cristobal Geronimo sa Homicide Section nagbutyag nga nagduwa ang biktima sa piso-piso nga computer kilid sa gihayaan ni Keneth Veloso.

Usa ka wa hiilhing tawo nga nagsul-ob og ball cap, kapin sa 30 anyos ang panuigon, tambukon, mubuon, nagsul-ob og striped nga t-shirt ug nagpantalon ang niduol ug dayon nipusil makausa tumong sa ulo sa biktima.

Duha ka mga babaye nga menor de edad gikan nga nitubag sa sugo sa lawas ang gitiunan usab sa suspek. Nagpakiluoy ang duha ka mga batan-ong babaye nga di sila iapil, hangtod nga nisibat ang suspek.

Nahibudngan usab sa kapulisan kay ang dapit nga gihayaan anaa sa interior portion sa maong dapit nga layo ang distansya sa dalan ug gamay ang dalan nga piot.

Nasulod pa kini sa suspek nga daling nakasakay sa naghuwat nga motorsiklo. Ang kabanay sa biktima nanghimakak nga sakop sa gang ang biktima ug nihulagway niini nga buotan, di barkadista. JFT