US Team vs. Talibon Stars karong gabii

POLIGRATES: Si Eluid Poligrates, ikaduha gikan sa tuo, uban sa mga Amerikanhong players nga maoy molangkob sa Sirius Star Pilipinas alang sa sunodsunod nga mga exhibition match sa kalungsoran sa Sugbo ug ingon man sa Mindanao. Ang nangabot kagahapon (gikan sa wala) mao sial si Anthony Winningham, Jaelen Brown, Austin Johnson, Jaevon Brown, Roy Clater, Poligrates, ug Landen Curry. (JUN MIGALLEN)
POLIGRATES: Si Eluid Poligrates, ikaduha gikan sa tuo, uban sa mga Amerikanhong players nga maoy molangkob sa Sirius Star Pilipinas alang sa sunodsunod nga mga exhibition match sa kalungsoran sa Sugbo ug ingon man sa Mindanao. Ang nangabot kagahapon (gikan sa wala) mao sial si Anthony Winningham, Jaelen Brown, Austin Johnson, Jaevon Brown, Roy Clater, Poligrates, ug Landen Curry. (JUN MIGALLEN)

MOPAKITA og aksiyon ang kasamtangng most valuable player (MVP) sa 2019 PBA D-League Foundation Cup nga si Eluid “Eloy” Poligrates karong gabii sa usa ka exhibition match sa US Team/Sirius Star Pilipinas didto sa Talibon, Bohol.

Ang kanhi PBA player ug produkto sa Southwestern University Cobras, maoy magsilbing reinforcement sa US Team/Sirius Star Pilipinas nga makigsangka sa Talibon Selection nga langkuban usab og pipila sa mga kanhi PBA player ug aduna usay negro.

Miabot kagahapon ang unom ka mga sakop sa US Team ug gipahigayon gilayon ang launching sa ilang mga sunodsunod nga activities diha sa San Remegio Pension House sa Mabolo. Hinuon, si Albert Alocillo sa Coach3A Sports Center, mibutyag nga adunay laing duha nga moabot karong buntag.

Ang miabot kagahapon mao sila si Anthony Winningham, 6-2, Jaelen Brown, 6-6, Austin Johnson, Jaevon Brown, 6-3, Landen Curry, 6-6, ug Roy Clayter.

Human sa ilang duwa sa Talibon, ang Sirius Star Pilipinas mobalik dinhi sa Sugbo alang sa lain na usab nga exhibition game. Ning higayona, ilang ikasangka ang San Remegio Beach Club team ni Mark Inoc didto sa Lawaan Sports Complex sa lungsod sa Oslob.

Mopakita usab sila sa ilang talento didto sa Panabo City, ug Tagum City sa Nobiyembre 9 ug 10 ug mobalik dinhi sa Sugbo alang sa laing mga special match sa Badian (Nov. 15), Alegria (Nov. 16) ug Alcantara (Nov. 17).

“This can boast sports tourism in Cebu and in some regions of the country. They are here to show their talents,” matod ni Alocillo kinsa dugang mipahibawo nga andam usab silang mopahigayon og clinic. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph