GIPAKAGING ni Wesley So ang world no.1 nga si Magnus Carlsen sa finals aron angkunon ang labing unang titulo sa 2019 World Fischer Random Chess Championship kagahapon (RP time) sa Henie Onstad Art Center sa Norway.
Mas nakugang ang kadaghan gumikan kay dili yanong kadaugan ang naposte ni So, kon dili usa ka dominasyon, 13.5-2.5.
Si So, kinsa lumad nga Pinoy apan ni-migrate sa Amerika niadtong 2014, nagkinahanglan og duha ka paspas nga rapid games aron pagkompleto sa iyang kalampusan.
“I’m very happy! It’s my favorite type of chess, and it hasn’t been popular until the last couple of years. I usually win tournaments the first time and never again,” batbat ni So nga nakuha gikan sa competition website.
“Magnus had a bad couple of days if it was regular chess he would probably have beaten me easily.”
Nagtabla ang duwa nila ni So ug Carlsen sa premiro nilang slow rapid game apan midaog si So sa nagsunod nga tulo ka mga duwa aron pagposte og dakong labaw batok sa Norweigian grandmaster.
Mao kini ang labing unang higayon nga opisyal nga gikognisar sa FIDE ang Fischer Random Chess. (ESL)