DAVAO City - Mga batang tinun-an sa Davao City nakakuhag kahigayunan sa pagkat-on sa malungtarong mga buhat ug conservation sa marine biodiversity sa Aboitiz PawiCAMP, usa ka day camp nga gitumong alang lang sa proteksyon ug preservation sa mga pawikan sa dapit.
Nahimutang sulod sa walo ka hektarya nga Aboitiz Cleanergy Park (puy-anan sa critically-endangered hawksbill nga pawikan ug 66 ka laing mga mananap) sa Punta Dumalag, Davao City, ang Aboitiz PawiCAMP nihangop niadtong Oktubre 11 sa 30 ka student-campers nga nagagikan sa Matina Central Elementary School ug Diego Silang Elementary School.
Ang student-campers (ug ilang mga hamtong nga kuyog) gipangtudloan sa malungtarong mga pamaagi sa conservation sa pawikan sa dapit. Sukad nga gibuksan ang Aboitiz Cleanergy Park, duna nay mga 3,482 ka gagmay nga mga pawikan nga gibuhian sa dapit. Aron makatampo sa biodiversity management sa coastal area, 13,179 ka nga bakhaw ang gitanom, nga nipadaghan sa bird sightings sa 55 ka species sa marine protected area.
Ang Aboitiz PawiCAMP student-campers nakasaksi sa pagbuhi sa mga pawikang gagmay ngadto sa dagat, usa ka mahinungdanong hitabo ug tipik sa biodiversity sa dapit.
Mao kini nga kalihukan nga nitapos sa ilang pagduaw.
“The role of informing and educating communities about the importance of protecting the critically endangered pawikan starts with our schools. We are glad to provide an enriching experience for our Aboitiz PawiCAMP-ers as they embark on a sustainability journey to help save our pawikans,” matod ni Maribeth L. Marasigan, Aboitiz Foundation First Vice President ug Chief Operating Officer.
KINDER BY ABOITIZ
Ang Aboitiz PawiCAMP--panagtambayayong tali sa Aboitiz Foundation, Davao Light, Department of Environment and Natural Resources-Region XI, Department of Education-Davao City ug Junior Chamber International-Davao-- gigastuhang bugtong sa KINDer sa Aboitiz, usa ka Aboitiz-developed crowdfunding website.
Ang Aboitiz PawiCAMP student-campers nalipay samtang sila nagkalingaw sa pagkat-on kalabot sa environment ug pagluwas sa critically endangered pawikan.
Mga donasyon nga natigom pinaagi sa KINDer by Aboitiz naghatag og funding alang sa pagduaw sa student-camper, labina sa camp t-shirts, camp kits, pagkaon, mga galastuhan sa training. Nakatigom na ang Aboitiz PawiCAMP og kapin sa P100,000. (PR)