WALAY hulga nga nadawat ang tibouk Northern Mindanao kung hisgotan ang mga posibleng pagpangatake sa mga terorista.
Kini ang gibutyag ni Police Lieutenant Colonel Mardy Hortillosa, kinsa tigpamaba sa Police Regional Office (PRO)-Northern Mindanao.
"Mapasigarbuhon ko nga mosulti, kamo maka-feel man gyud mo nga maayo atong peace and order sa atong rehiyon. Wala kita maka-experience nga mga dagko nga mga insidente. Wala kita maka-experience nga gibombahan kita," matud ni Hortillosa.
Dugang niini nga maayo ang dagan apan taliwala sa kamalinawon sa rehiyon walay kompyansa ang kapulisan ug doble ang gihimo nga pagpangandam.
"Pag maayo ang dagan karon magkumpiyansa nata. Doble ingat pa gihapon ta karon kay kining mga ingon ani nga activity. Bisan unsaon ka prepared dili sila moatake kon naay polis. Naa sab silay kaugalingon nga pamaagi," matud ni Hortillosa.
Gumikan niini, iyang giawhag ug gihangyo ang katawhan nga magbantay.
"Even though generally peaceful ta karon, dili ta maka-assure nga peaceful pa gihapon inig abot sa panahon. Apan kung kita magtinabangay, dako kini nga posibilidad," matud ni Hortillosa.