SUPERBALITA CEBU

Tagming: Viva way tugpahay ang mga pelikula

KUYAWA sa Viva Films sunodsunod ang ilang mga pelikula nga maora ba’g mokita o sa dili, hala bira! Go lang ng go!

Human sa “Unforgettable” ni Sarah Geronimo, showing na sad ugma, Nov. 6, ang “Nuuk” sa Viva gihapon nga gibituonan nilang Aga Muhlach ug Alice Dixson.

Ang “Nuuk” usa ka psycho-thriller nga pelikula nga basin wa mo kahibawo maoy capital city sa Greenland, diin dunay kinatas-an og record karon sa suicide rate sa kalibutan.

Sa Nov. 13 mosunod usab dayon ang comedy movie sa Viva nga “Two Love You” starring Yen Santos, Kid Yambao (Hashtag Kid) ug ang mga komedyanteng Lassy Marquez ug MC Calaquian.

Kaila gyud tingali mo ni Lassy ug MC kay mao ni silay Unkabogabol sidesick ni Vice Ganda sa iyang mga pelikula. Ganahan ko ani kay pakatawa.

Ang “Two Love You” maora kunog love triangle sa bading, babaye ug lalaki apan duna pa gyud kunoy mo-enter nga ikaupat. Ah di diay ni love triangle. Love quadrangle! Haha...

Ika-13 na

Nakabantay ko nga ni-agresibo ang Viva sa paghimo og pelikula pag-2018 diin duna silay na-produced ug na-released nga total of 21 movies kumparar sa Star Cinema nga duna ray 12.

Kining “Nuuk” nga showing na ugma maoy ika-13 na sa Viva sa tuig 2019 batok sa Star Cinema nga duna ray 5 samtang ang ilang subsidiary nga Black Sheep duna ray 8.

Apan ang ubang pelikula sa Viva di usahay abtan og duha o tulo ka adlaw i-pullout dayon sa mga sinehan kay hinay. Hinuon, duna say panahon nga makaigo sila pareho adtong “Jowable” ni Kim Molina ug kining “Unforgettable” karon ni Sarah G.

Ang “Two Love You” maorag kusog sad ni tungod ni Lassy ug MC. Ang nakaparat lang aning Viva kay tihik kaayo sa Cebu press nga bongga man kuno kaayo ni sila sa Manila press. Bucket!?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph