Super Sine: The Terminator: Dark Fate makalingaw, thrilling

HUMAN sa 35 ka tuig gikan sa labing una nga “The Terminator”, gipakita ni Arnold Schwarzegger nga kaya gihapon niya ang role isip T-800 “Model 101” o ang maayo nga Terminator.

Ang 72-anyos nga actor-politician nipabilib na usab sa bag-ong salida niini nga “The Terminator: Dark Fate” nga showing karon sa Cebu sukad Oktubre 30.

Mao ni ang part three sa Terminator series nga sinuwat ni James Cameron. Ang una mao ang “The Terminator” (1984) ug “Terminator 2: Judgment Day” (1991). Ug sa tulo ka salida anaa ang babaye nga bida, si Linda Hamilton.

Pipila ka adlaw bag-o sa wa kini gipasalida, giimbitar ang Superbalita Cebu sa advance screening sa 20th Century Fox niadtong Oktubre 25.

“Ang Terminator: Dark Fate” nag-focus kini sa usa ka Mexicana nga si Daniella “Dani” Ramos (Natalia Reyes) nga maoy gi-target sa advanced nga Terminator prototype Rev-9.

Anaa sa tuig 2020 ang setting. Kalit nga gipadala gikan sa future si Grace (Mackenzie Davis), usa ka sundawo sa future (2042) diin gi-develop siya isip usa ka cyborg ug gipadala sa tuig 2020 aron mo-protehir ni Dani.

Ngano? Kana ang angay ninyo nga atngan sa salida.

Si Arnold ning salida aduna na’y kapuyo ug anak.

Aduna napud siyay ngalan, Carl. Nitabang si Carl sa pagprotehir kang Dani bisan pa tuod og mabiyaan niya ang iyang pamilya.

Angay usab atngan ang karakter ni Linda Hamilton isip Sarah Connor tungod kay naghatag kini og humor bisan paman nga seryuso ang maong science fiction action film.

Isip dili fan og action films, exciting tan-awon ang salida tungod sa rush niini.

Apan magkadugay, magka-dragging kini tungod kay bisan paman og mabungkag na si Rev-9 (Gabriel Luna), mobalik gihapon kini sa iyahang naandan nga nga porma tungod sa ka-advanced sa teknolohiya sa gigamit sa pag-develop sa iyang lawas. (Mga hulagway gikan sa kubrick.htvapps.com, cnet.com, polygon.com, theverge.com)