NAGTAMBAYAYONG ang PTA Federation Carcar City Division ug Carcar Kagumkom Runners alang sa pagpahigayon og usa ka fun run for a cause.
Giulohan og Carcar City Division PTA Federation Fun Run for a Cause, ang lumba ipahigayon karong Disyembre 1 ug manukad kini sa Carcar City Hall ground.
Gilangkuban ang lumba og tulo ka mga kategoriya.
Kini mao ang 3K male/female nga alang alang sa lumad nga mga lumolupyo ug mga estudyante sa Carcar ug ang 6K male/female nga abli alang sa tanan.
Ang rehistrasyon nagkantidad og P300 lakip na niini ang singlet ug P20 alang sa mga estudyante.
Ang mga benepisaryo ning maong lumba mao ang Sacsan Elementary School sa Calidngan, Carcar ug Manghupi Elementary School sa San Asujan, Carcar. Mahimong makaparehistro sa DepEd Carcar lobby ug Eyetune sa Awayan, Carcar nga nahimutang ibabaw sa 7/11 Convenience Store.
Alang sa dugang mga detalye, mahimong motawag nila ni Farrah May Dalo sa 0905-5780946 ug Cecil Jose Barawidan sa 0922-4767688. (ESL)