TALIWALA sa kabugnaw (4°C), giangkon gihapon ni Southeast Asian (SEA) Games 2019-bound Mary Pauline Fornea nga taga siyudad sa Davao ang bulawang medalya sa female division sa 31st Annual Prospect Park Duathlon 2019 didto sa Brooklyn, New York niadtong hinapos sa semana.
"It was my first time to race in Brooklyn po. It is also my coldest race so far with 4 degrees Celsius maam. I was literally freezing po from start to finish Maam. I cannot feel my body Maam. It was very hard to warm up, so to mitigate a little bit po, I did my warm up easy jog night before the race, then slept po," matud sa 25-anyos nga foreign schooling cadet sa Philippine Military Academy (PMA) ngadto sa United States Naval Academy (Usna) sa SunStar Davao pinaagi sa paghinabi sa Facebook Messenger.
Nioras siya og usa ka oras ug 9.6 segundos sa 3.4 kilometer run-16.1K bike-3.4K run event.
Ang Dabawenya, kinsa makigtigi sa iyang unang SEA Games sa Disyembre 5 sa Subic, gibiyaan si Ester Maslaton sa Lakewood, New Jersey (1:04:00.5) ug Liz Mulligan-Ferry sa Brooklyn, New York (1:05:28.6) kinsa nihuman lang nga ikaduha ug ikatulo, sa maong han-ay.
Nahimutang sab siya sa ika-10th overall sa 133 ka duathletes kinsa nagtigi.
Siya miingon, "Sobrang manhid po ang buong katawan ko po sa sobrang lamig, lalo na po ang toes ko po pero nasa isip ko lang po na kakayanin ko po ito. My biggest adversary was the coldness of the temperature and weather."
Ang iyang kasamtangang SEA Games running coach Karen Boyle, kanhi Navy Cross Country Women's Team head coach sulod sa 32 anyos, nagsulti kaniya nga nilambo siya og maayo ilabi na nga ang bugnaw nga kondisyon sa Brooklyn.
Bag-o lang pod siya nga nag-eksam aron nga mamentinar niya ang iyang grado ug nag-antus sab siya sa iyang unang adlaw sa duaw.
"Nagsabay-sabay po lahat Maam. Hehehe. We are really hoping for my good condition po leading to the SEA Games," nagmalaumon siya.
Apan matud niya nga hagit kini niya nga mobalhin gikan sa standard distance duathlon padulong sa super sprint distance, nga iyang himuon sa Disyembre 5.
Gitakda siyang moabot sa nasud sa Nobyembre 27.