SUPERBALITA CEBU

Super Bilib: Christmas village queen sa Urgello

NAILA ang Pilipinas nga adunay taas nga Christmas season.

Naandan sa mga Pinoy nga kon mosulod na gani ang buwan sa Septiyembre, manggawas na ang mga Christmas decoration ug makadungog na ta og mga kantang pampasko sa radyo.

Diay balay sa Urgello st., Barangay Sambag 1, Dakbayan sa Sugbo, nga nailang “little Christmas village.”

Kon motungtong na gani ang buwan sa Oktubre, mapuno na sa dayan-dayan sa Pasko ang balay ni Neneth Paulin, 65.

“I want to enjoy the season for a longer time that’s why kon October na, naa na ang decoration,” butyag niya.

Gikan sa sala, dining area, kusina, ug bisan sa suok nga bahin sa iyang balay, adunay dekorasyon.

Ang highlight mao ang iyang Christmas village nga anaa nahimutang sa ilang terrace nga nahimo na niyang tulumanon matag tuig.

“This is really my passion. Christmas is something that inspires me. The meaning of the season is about Jesus, but there is more than that. It’s about giving, remembering loved ones and thanking the Almighty for all the blessings,” ni Paulin.

Tuig 1980 dihang nagsugod og kahilig sa pag-decorate si Paulin. Lima kabuok pa ang iyang koleksyon kaniadto hangtud nga niabot na sa di momenos 100 ka piraso karon gikan sa parachute, merry-go-round, train station, ug cable cars.

Sagad sa iyang koleksyon gikan pa sa gawas sa nasud o ba kaha hinatag sa iyang mga higala ug kabanay.

Apan dili matag tuig mamalit si Paulin og bag-ong dekorasyon sanglit iya rang i-recycle og gamit ang mga karaang koleksyon.

Gumikan kay bag-o ra nitaliwan ang iyang inahan ning tuiga, ang iyang Christmas tree adunay tema nga white and silver Christmas nga nagpasabot nga nagsubo pa ang iyang pamilya sa kamatayon niini.

“When she was alive, she got excited too of Christmas especially of the Christmas village. She had her ideas what to put, where to put,” dugang ni Paulin.

Tungod kay buot man ni Paulin nga mabati usab sa uban ang Pasko, iyang gi-ablihan ang iyang panimalay alang sa outsiders nga buot nga motan-aw ug magpahulagway sa iyang Christmas village.

“We struggle a lot everyday. But when you see something about Christmas, it really changes your mood,”matod ni Paulin.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph