LIMA ka adlaw nga magsilbi isip gobernador sa probinsya sa Misamis Oriental si Bise Gobernador Jeremy Jonahmar “Jigjag” Pelaez.
Kini ang gi-appoint ni Governor Bambi Emano samtang anaa kini sa gawas sa nasod kuyog ang pipila ka mga Sangguniang Panlalawigan (SP) board member alang sa business trip nga nagsugod petsa 4 ngadto 8 sa Nobiyembre.
Gitahasan ni Emano si Pelaez nga mag-function isip gobernador apan nakalatid sa balaod sa Local Government Code nga dili mamahimo niining mag-appoint, mosuspenso, ug mo dismiss sa empleyado.
Giingong adunay tun-an ang gobernador sa laing nasod nga magamit niini aron nga mas mapalambo ang agrikultura sa lalawigan.
Kahinumduman nga niadtong Oktubre 22 paingon Oktubre 28 naka-leave gihapon ang gobernador alang sa laing lakaw.
Adlaw’ng Lunes, Nobiyembre 4, atol sa pagpakayab sa nasudnong bandila, wala ang presensya ni Pelaez taliwala paman nga ang buhatan sa SP maoy natahasan mangulo ug mag-report sa flag raising.
Ang presensya lamang ni Board Member Jessa Mugot ang ni-report sa kalihokan sa SP.
Matud ni Mugot sa iyang report nga niining padangaton ang pasko unta ihikling ang pulitika ug iselebrar ang pasko labina ang SP maoy mag-sponsor sa umaabot na Christmas party sa probinsya.
“Let us set aside politics. Let us all unite this coming Christmas season bisan paman daghang panghitabo. Thankful ta sa gift of life and there’s a reason to celebrate Christmas,” matud niini.
Apan, gisaway kini sa pipila ka empleyado human atol sab sa flag raising gahapon Lunes dihang gipa-perform sa Provincial Risk Reduction Management Department ang mga empleyado sa “duck, cover and hold” aron pagpangandam sa posibleng masinating linog kalit nibiya si Mugot ug wala mituman niini.