GISUGYOT ni Provincial Risk Reduction Management Department head Jun Dy ngadto sa mga tag-as nga establismento nga unta magbaton og steel nga hagdanan sa matag kilid sa building.
Kini aron maoy himuong dalan sa mga tao panahon masinatian ang kusog nga linog.
Matud ni Dy nga iyang naeksperyensya kini sa usa ka mall dihang nasinati ang kusog nga linog.
“Ang ilang fire exit, concrete gihapon ang alkuba from 4th floor hangtod paubos. Daghan na tao niagi. Kung simbako kusog kaayo, mag-collapse, madat-ogan gihapon ang mga tao,” matud ni Dy.
“Mas gwapo kung ang atong building ang fire exit naa sa kilid para safe na ang mga tao moagi. Each floor should have steel nga stairs kay para pagnaog nila mouban na hinay hinay sa silong,” dugang ni Dy.
Dugang niini nga kung magpahigayon sab og rescue sayon lang sa rescuer nga dili sab risgo ilang kinabuhi.
Sunod-sunod ang natigayong nga linog ning bulan lamang sa Oktubre kon pinakataas nga natala mao ang 6.6 magnitude sa Tulunan, North Cotabato nga nasinatian sab dinhi sa Cagayan de Oro ug Misamis Oriental.