DEAR Atty. Joan,
Maayong adlawa kanimo, Atty. Joan ug sa tibuok sakop sa CLBI. Palihog tagoa lang ko pangan nga Jacky, lumad nga taga Leyte.
Ang akong suliran nga nagsamok sa akong galamhan mahitungod kini sa kahimtang sa akong anak ug diin siya kanunay nga gi-bully ug gikasuyaan sa iyang mga kauban sa klase.
Nisamot kini paggrabe sa dihang nakadaog isip bise presidente sa ilang eskuylahan ang akong anak ug diin gibugalbugalan ug ginganlan og limbongan ang bata sa iyang kaatbang sa pagpapili pagka bise presidente.
Ang nakasakit pa gyud kay nisumbong ko sa maestra sa pangindahay nga mahunong na intawon ang pagpanaugdaug kaniya. Naunsa ba nga giingnan naman hinuon ko sa maestra nga, “ambot ba pod anang imong anak oy nga ahente man sa mga bully. Bully-hinon man pong dako.”
Niadtong tungora wa koy nahimo gawas sa pagtuaw ug pagpaagas na lamang sa akong mga luha sa kalooy nga gibati ko para sa akong anak.
Unsay pwedeng buhaton nako aron maundang na ang pagpanaugdaug sa akong anak labi na kay hasta ang maestra otro man sang bully?
Hinaot nga imong mahatagan og pagtagad kining akong suliran.
Imong magtatampo,
Jacky
Dear Jacky,
Maayong adlawo diha kanimo ug sa atong mga kaigsonan diha sa Probinsya sa Leyte. Una sa tanan dakong angay nga pitolon ang maestra nga nagbuhat sa ingon ngadto sa imong anak sanglit siya man unta ang labing unang tawo sa skuylahan nga muprotihir ug manalipod sa katungod sa imong bata. Sanglit ang magtutudlo giisip man nga maoy ikaduhang ginikanan sa bata gawas sa iyang panimay.
Ang gipakita sa magtutudlo dakong sukwahi sa ilang gipanumpaan sa ilang propisyon.
Jacky, ang maayo nimong buhaton isumbong ngadto sa prinsipal sa inyong tunghaan ang nahitabo ug didto isaysay ang tanan aron sa ingon makapahungaw ka sa imong gibati ug kapahamtangan ug igong silot ang maong magtutudlo ug aron maundang na usab ang pagpanaug daug sa imong anak.
Sayod ko nga di lalim ang trauma nga gisagubang sa imong anak mugna sa maong mga insidente. Pakiglambigit sa labing dool nga buhatan sa social worker sa inyong barangay aron mapahigayonan og stress de briefing ang imong anak.
Dinhi na lang ko kutob ug hinaot nga nahupay ko sa gibati sa imong galamhan.
Imong ubos nga alagad,
Atty. Joan