MOABOT sa 1,868 ang naglangkob sa Philippine delegation nga mokampanya sa umaabot nga 2019 Southeast Asian Games nga ipahigayon sa Pilipinas sugod karong Nobiyembre 30.
Ang Philippine delegation, nga adunay 1,115 ka mga atleta ug 753 coaches ug officials, mao ang labing daghan sa kompetisyon.
Nagsunod mao ang Indonesia (1,702), Singapore (1,591), Thailand (1,473), Malaysia (1,076), Myanmar (952), Vietnam (890), Cambodia (510), Laos (419), Brunei (257) ug Timor Leste (221).
Nagkanayon ang Philippine SEA Games Organizing Committee (PHISGOC) nga ang pinal nga gidaghanon sa mga entrante puwede pang mokunhod sa delegation registration meeting inig Nobiyembre 19.
Moabot sa 530 ka gold medals ang ilugan sa kompetisyon gikan sa 56 ka sporting events nga naglangkob niini. (RSC, ESL)