Konsehal naghupot og ilegal nga armas

MACARTHUR, Leyte - Opisyal sa barangay nasikop sa kapulisan gumikan sa ilegal nga paghupot og armas.

Giila sa kapulisan ang suspek nga si Nilo Cordero, 41, konsehal sa Barangay Maya ning lungsod.

Ang mga sakop sa Criminal Investigation and Detection Group (CIDG) Regional Field Office 8 niserbe sa search warrant batok kang Cordero.

Ang search warrant giisyu ni Judge Carlos Arguilles, acting presiding judge sa Regional Trial Court Branch 10 sa Abuyog Leyte.

Nakig-alayon ang CIDG pinangulohan ni Police Major Duane Francis Ducducan ubos sa pagdumala ni Police Lieutenant Colonel Reynante Panay ngadto sa MacArthur Police Station sa pag-serve sa warrant.

Milampos ang kapulisan sa pagronda sa balay ni Cordero diin nakuha ang usa ka kalibre .45 nga pistola; duha ka mga magazine; 39 rounds nga bala sa samang kalibre; holster ug lima ka mga botelya sa gun oil.

Ang armas ipaubos sa eksaminasyon sa Crime Laboratory.

Kasong kalapasan sa Republic Act 10591 kun Comprehensive Firearms and Ammunition Law gipasaka. (JKDP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph