Mga trailer operators mihangyo ni Labella

KONSULTAHON una ni Mayor Edgardo Labella ang tulo ka mga buhatan nga maoy gitahasan pagpatuman sa balaod trapiko labot sa hangyo sa Visayas United Truckers Association Inc. (Vutai) nga di una ipatuman ang pag-impound sa ilang mga trailer nga madakpan tungod kay way rehistro.

Si Labella nagkanayon nga aduna pa siyay daghang trabaho nga atimanon ug problema nga sulbaron isip amahan sa dakbayan.

Iya kining itugyan ngadto sa mga ahensiya ug opisina nga adunay taas og kaalam pagpatuman sa balaod.

“Considering that this is a purely traffic matter, the mayor has to listen the agencies and department in the city government that involve in traffic matters. I would first refer this to Cebu City Transportation Office (CCTO), Land Transportation Office (LTO), Land Transportation Franchising and Regulatory Board (LTFRB) and after that I will ask the City Legal Office before I will render my decision,” padayag ni Labella.

Sa iyang bahin, si LTO 7 Regional Director Victor Emmanuel Caindec nagkanayon nga wa na nagkuwang ang iyang buhatan sanglit sa niagi pang tuig niya gihatagan og lugway para ilang marehistro ang ilang mga trailer.

“We have been meeting with the truckers since las tive to take action or not,” pasabot ni Caindec.

Si City Attorney Rey Gealon niingon nga ang hukom kon angayan bang tugotan o di ang hangyo sa Vutai anaa sa local chief executive nga maoy naghan-ay sa iyang mga polisya ug programa.

Apan si Regional Director Eduardo Montealto Jr., mibutyag nga kaniadto, adto mokuha sa ilang prangkisa ang mga trailers uban sa tractor nga maoy moguyod.

Apan karon ang rehistrasyon gitugyan na ngadto sa LTO 7.

Ang Vutai, pinaagi sa ilang abogado nga si Benjamin Cabrido, nihangyo ngadto kang Labella nga di una i-impound ang mga trailer nga madakpang way rehistro sanglit bisan pa og ilang paspasan og parehistro, ang matag trailer nagkinahanglan og P16,000 para sa rehistrasyon, di na kini maapas sa oras.

Ang Vutai adunay 800 ka mga miyembro ug kapin 1,000 ka mga trailer nga maoy mokarga sa mga container van gikan sa pier paingon sa ilang destinasyon. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph