SUPERBALITA CEBU

Kanhi budget officer wala na suweldohi?

GIREKLAMO karon ni kanhi assistant budget officer, Danilo Rodas ang pagkapapas sa iyang pangan sa lista sa mga plantilla sa Kapitolyo.

Subay sa gipahigayon nga 2020 Budget hearing ganihang buntag mipada ug suwat si Rodas direkta sa hunta probinsyal ug sa Bise Gobernador pag-kwestyon sa iyang status.

Padayon nga nagserbisyo si Rodas sa Kapitolyo apan sukad niadtong Agusto, wala na siya makadawat sa iyang sweldo human nga gibalik ni Cebu Governor Gwen Garcia si Emme Gingoyon isip pangu sa Budget Office niadtong Hulyo.

Tungod niini gikwestyon ni Davide ang gihimong lista sa personnel schedule ug miingon nga unfair kini alang kang Rodas nga matag adlaw nagtrabaho apan wala sweldohi.

“Kung dunay kaso, nadismiss ba pananglitan si Mr. Rodas o gi-terminate ba ang iyang services. May be that is a sufficient justification nganong i-exclude siya ,” matod ni Davide.

Gi-appoint ni Davide si Rodas niadtong 2015 human gidismiss sa Ombudsman si Gingoyon kauban ang uban pang sakop sa Bids and Awards Committee (BAC) tungod sa kontrobersyal nga pag backfill sa Balili property.

Matod sa Civil Service Commission nga milagda og kasabutan si Rodas nga mobalik kini sa iyang posisyon isip assistant kon ibalik usab si Gingoyon isip pangu sa Budget Office.

Apan depensa ni Noli Valencia, Provincial Administrator, nga walay basehan ang pagbutang sa ngan ni Rodas sa personnel schedule tungod kay wala may mando ang Gobernador nga i-appoint siya isip assistant head.

“Dili man na ang undertaking ang atong basehan kay di man na nato magamit pagpakobra og sweldo”, matod ni Valencia.

Hinun gihuwat nalang sa Admin office ang desisyon sa CSC sa sitwasyon ni Rodas. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph