SUBAY sa selebrasyon sa ika-70 ka tuig nga panaghigalaay sa Pilipinas ug Korea, ang Embassy sa Republic of Korea, Korean Cultural Center in the Philippines (KCC), ug Korea Foundation for International Culture Exchange (Kofice) ug SM, mopahigayon sa Korean Film Festival sa pito ka siyudad sa Pilipinas.
Ang tema karon nga tuig, “Sailing Beyond Together”, unang mosipa sa Manila, Nobyembre 6 sa Samsung Hall sa SM Aura Premier.
Mismong si Jeon Go-woon, direktor sa movie nga Microhabitat, ang motambong ug may Special Director’s Talk pa.
Masud-ong sab sa festival ang critically-acclaimed and most talked about 2019 movie sa Korea nga Parasite ni Bong Joon-Ho.
Angay sab atangan ang comedy film nga Miss Granny ni Hwang Dong-hyeuk, drama films Little Forest ni Yim Soon-rye, House of Humming Bird ni Kim Bora, ug House of Us ni Yoon Ga-Eun.
Anaa sab ang romance film nga Architecture 101 ni Lee Yong-Joo.
Anaa sa pito ka pelikula ang ipasalida, Nobyembre 7 ug 8 sa pito ka SM Malls apil na ang SM City Fairview, SM City Cebu, SM City Iloilo, SM City Davao, SM City Olongapo Central, SM City Clark, ug SM City Dasmariñas.
Tanang paglantaw sa pelikula libre, apan first come, first serve basis.