Miambak sa viaduct dunay 'depression'

DEPRESSION ang gituohan sa kapuyo nga maoy hinungdan sa paghikog sa iyang partner nga niambak sa viaduct sa Cebu South Coastal Road niadtong Lunes sa hapon.

Matod ni Vivian Barillo, 35, nga si Junie Egason, 36, way kontra ug wa say bisyo apan, dunay mga timailhan nga duna kini depression.

Apan wa na siya mohatag pa og dugang mga detalye kalabot niini.

Si Barillio nga nahinabi sa Superbalita Cebu, niingon nga wa siya magdahum nga mahitabo kini kang Egason.

Matod pa ni Vivian nga Lunes sayo sa buntag wa pay tingpamahaw, nihawok ug nipahiyom kaniya si Egason ug sa ilang anak nga 2 anyos, dayong ingon og “good bye.”

Apan ang bawos ni Vivian nga “hulaton ka namo unya.”

Apan nipahiyom lang si Egason, apan wa kini hatagig dautan nga kahulogan ni Vivian.

Matod niya nga nianang Dominggo sa gabii gipang haw-as ni Egason ang kwarta sa iyang pitaka ug gihatag kaniya dayon sa pag ingon nga “Ako lang nang ibilin nimo kay basin og unsay mahitabo nako sa dalan.”

Dugang pa sa kapuyo nga si Junie maoy naghawid sa ilang kunsomo sa matag semana hinungdan nga anaa sa iya ang kwarta nilang duha. (BTT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph