Northern Mindanao hog raisers kumpiyansa nga walay ASF

KUMPIYANSA ang grupong hog raiser sa Northern Mindanao nga pabiling African Swine Fever (ASF)-free ang Northern Mindanao.

Nagkagrabe ang kaso sa ASF sa kaulohan gumikan lakip na ang prudokto sa dakong kompanya sa kaulohan ang positibo ang pipila ka prudokto sama sa skinless longganisa ug hotdog.

Si Yvonne Que nibutyag niadtong kasaulogan sa Meat Safety awareness week nga hangtod padayon ang kamandoan ni Misamis Oriental Governor Bambi Emano, dakbayan sa Cagayan de Oro, ug Cagayan de Oro Mayor Oscar Moreno sa pagban pagpasulod sa nga prudoktong baboy, siguradong dili mahitabong makasulod ang makapatay nga sakit sa baboy.

"Nanghinaot kami nga padayon pa gihapon ang dakong suporta sa Provincial Government aron magpadayon nga ASF-free ang Northern Mindanao," matud ni Yvonne Que, representante sa Northern Mindanao Hog Raisers.

Ang ASF nagdala’g kabalaka ug kahadlok sa mga konsumante sa karneng baboy ug mga produkto niini, problema nga giatubang sa pipila ka probinsiya sa Pilipinas.

Sa Northern Mindanao unang nagpa gawas og Executive Order 2019-13 ug 2019-14 ang Misamis Oriental sa pagdili sa pagpasulod sa baboy, karneng baboy, ug mga produkto niini sa Misamis Oriental.

Misunod dayon ang Bukidnon, Camiguin, Lanao del Norte, ug Misamis Occidental.

Pabilin gihapon nga gipahimangnoan sa Provincial Veterinary Office ug Provincial Agriculture Office ang tanang hog raisers nga dili magkompiyansa sa pag-atiman sa ilang binuhing baboy ug mabinantayon sa tanang oras batok sa pagsulod sa baboy ug karne niini sa rehiyon.

Lakip sa gipabantayan ang pagpakaon og pasaw nga dinhi sagad nagsugod ang sakit.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph