Donarie-Inoue: Karong gabii

MAGBINUKBOKAY na karong gabii sila si Japanese “Monster” Naoya Inoue ug Nonito “Filipino Flash” Donaire alang sa gikaintapang final bout sa World Boxing Super Series (WBSS) bantamweight division sa Saitama Super Arena in Saitama, Japan.

Sa official weigh-in kagahapon, ang duha ka mga boksidor yanong nakapasar sa weight limit, timaan lang sa ilang kaandam.

Si Inoue, 26, kinsa maoy naggunit sa International Boxing Federation (IBF) world bantamweight title, nihaom sa weigh limit nga 118 pounds samtang si Donaire, 36, kinsa maoy tag-iya sa World Boxing Association (WBA) super world bantamweight belt, mitali og 117.5 pounds.

“Official weigh-in is over and the only thing we can do is to get ready for fight night,” pamahayag ni Inoue nga gihubad sa english. “We are going to show the greatest fight ever. A victory will be a very satisfying moment for me and it will be a very big step for a bright future.”

Si Donaire nipadayag sab kon unsa ka mahinungdanon kining awaya alang kaniya.

“It’s very special to me,” matod ni Donaire. “It’s for the Muhammad Ali Trophy. It’s the best of the best. Everything a fighter wants to want is to become the best of the best. I’ve been through it all and this is for me another step towards becoming undisputed.”

Ang modaog ning awaya makapanag-iya sa prestihiyusong Muhammad Ali Trophy ug naglagiting nga US $1 million.

Si Donaire, kinsa usa ka five-division world champion, naggunit og 45-5-0, 26KOs nga rekord samtang si Inoue, kinsa usa ka four-division world champion, adunay 18-0, 16KOs nga rekord. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph