ORMOC City, Leyte - Cebu Provincial Governor Gwen Garcia nakadayeg karon sa siyudad tungod sa kalimpyo ug ka progresibo.
Matod ni Garcia, bata pa lang siya, diri na siya sa Dakbayan sa Ormoc ug nahimo usab siya nga parte sa kasaysayan. “Malipay ko maghuna-huna nga in a small way nakatampo ko (sa Ormoc),” matod sa gobernador.
Human sa flash flood niadtong 1991, si Garcia nga nagpuyo pa ning dakbayan niadtong higayuna, ang labing unang tawo nga nakatingog sa kahanginan dili lang sa Cebu, kundi tibuok kalibutan nga naggikan sa Ormoc City aron manawagan og tabang sa laing lugar.
“Bisan pa man sa mga katalagman nga naagian. Nagpakita ang mga Ormocanon nga aduna silay igong kaisog ug katakos nga makabarog ug maatubang ang kalisud ug gani mas progresibo na karon ang Ormoc,” matod ni Garcia.
Nakadayeg usab ang gobernador sa kalimpyo karon sa dakbayan. “Ako gikalipayan, naglibot libot ko, limpyo gyod kaayo ang dakbayan sa Ormoc ug makita nato nga progresibo gyod sab kaayo,” matod ni Garcia. (JKDP)