Manag-uyab nakuhaan og P2.7M drugs sa PDEG 7

GIKAN SA PRISOHAN: Wa mahibaw-i sa kapulisan nga sila si Edelyn Cabarse (tuo) ug Jona Gonzales mga drug courier. Diha na nila mahibaw-i ug madakpi ang duha kay maoy nihatod sa ilang gi-order nga drugs gikan sa usa ka binilanggo sa Cebu City Jail. (Benjie B. Talisic)
GIKAN SA PRISOHAN: Wa mahibaw-i sa kapulisan nga sila si Edelyn Cabarse (tuo) ug Jona Gonzales mga drug courier. Diha na nila mahibaw-i ug madakpi ang duha kay maoy nihatod sa ilang gi-order nga drugs gikan sa usa ka binilanggo sa Cebu City Jail. (Benjie B. Talisic)

KANHI uyab sa usa ka piniriso nadakpan uban sa bag-o niyang hinigugma sa usa ka buy bust operation sa Police Drug Enforcement Group (PDEG) 7 ug Labangon Police Station niadtong Martes sa hapon, Nobiyembre 5, 2019.

Mga suspek giilang sila si Edelyn Cabarse, 41, ug iyang uyab nga si Jona Gonzales, 34,Pulos taga Sityo Cogon, Barangay Labangon, Siyudad sa Sugbo.

Si Cabarse nga maoy target sa buy bust nga pinangulohan ni P/Lt.Col. Glenn Mayam, pangu sa PDEG 7, nakuhaan og P2.7 milyones nga shabu.

Matod ni Cabarse, usa ka alyas “Lamaw” nga naa sa prisohan ang nikontak kaniya sa cellphone aron mahatod ang shabu sa hingtungdan.

“Mao ni primero, apan, wala ko kabalo nga ingon ana diay na... shabu diay na,” matod ni Cabarse. Wa sila makasayod nga pulis diay ang gika-transact ni Lamaw ug si Edilyn ang gisugo.

Matod ni Mayam nga sila si Cabarse ug Gonzales duha na ka mga semana nila nga gi-monitor. Nakadawat sila og impormasyon nga si Cabarse ug ang uyab niini nga anaa sa prisohan nagkontakanay.

“Dili na lang namo idetalye ang impormante kay para pud sa iyang seguridad,”matod ni Mayam.

Gikonsiderar nga high value target ang duha sa kapulisan.

Samtang sa lahi nga buy-bust, usa ka kargador nadakpan sa mga sakop sa Waterfront police sa Barangay Tinago ning siyudad.

Si Luisito Campugan nasakmitan og shabu nga balor og P170,000 sa buy-bust operation sa Waterfront Police ubos sa pagpangu ni Police Major Joemar Pomarejos. (BBT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph