ANG GMR-Megawide Cebu Airport Corporation (GMCAC) maoy Top 1 sa 2019 Top Taxpayers sa Dakbayan sa Lapu-Lapu ubos sa category nga corporation-realty tax ug Top 6 sa business tax, samtang ang Adventenergy Inc. maoy nag-una sa business tax.
Sa miaging tuig, ang Megaworld Corp maoy nanghawod ug karong tuiga nahimutang ang maong kompaniya sa ikaduhang dapit (realty tax).
Samtang ang Shangri-La’s Mactan Resort and Spa nga nagsilbing hall of fame tungod sa kanunay niining Top 1 sud sa 10 ka tuig sa pagpahigayon sa pasidungog sa miaging administrasyon, ning tuiga anaa sa ikatulong pwesto sa realty tax ug ikaduha sa business tax.
Karong gabii, Nobiyembre 7, pasidunggan sa Lapu-Lapu City government ang Top 10 companies ug private individual sa kategoriya sa realty ug business tax nga ipahigayon sa Hoops Dome, Barangay Gun-ob.
Ania ang kompletong listahan sa Top 10 awardees sa corporation - realty tax: GMCAC, Megaworld Corp., Shangri-La’s Mactan, Vicsal Development Corp., Knowles Electronics (Phils.) Corp., Filinvest Land Inc., Phil. BXT Corp., Tai-Pan Development Inc., Waterfront Mactan Casino Hotel Inc. ug Goldland Phils. Corp.
Top 10 corporation – business tax: Adventenergy Inc., Shangri-La’s Mactan, Lear Automotive Services, Taiyo Yuden (Phils) Inc., Fairchild Semiconductor, GMCAC, Freemont Foods Corp./Jollibee, Sanford Marketing Corp./Savemore, Marina Mall, J.S. Unitrade Merchandise Inc., ug General Milling Corporation. Top 10 individual – realty tax: Ishmael Limkakeng Jr., Roman & Rosario Ronquillo, Mario & Cecilia Rizon, Michael Gleissner, Mariano & Conchita Go, Augusto Go, Hwy Chang Park, Celsa & Peter Stiegler, Alison Prestegarden ug James & Salud Young. (FVQ)