GIKLARO ni Gobernador Gwendolyn Garcia niadtong Miyerkules, Nobiyembre 6, 2019 nga wa siya moingon nga di niya i-appoint si Danilo Rodas, kinsa nipadangat sa iyang reklamo sa Hunta Probinsyal.
Giingong gipapas ang ngan ni Rodas sa listahan sa mga plantilla ug giingong wa makadawat sa iyang sweldo bisan sa giingong padayong ni-report sa opisina.
Nilagda og undertaking si Rodas sa CSC nga mobalik siya sa iyang posisyon isip assistant budget officer kon makabalik na si Gingoyon isip pangu sa Budget office.
Si Garcia nagkanayon nga ang undertaking nga gipirmahan ni Rodas posibleng gamiton unya isip ebidensya nga gibakante sa miaging administrasyon ang pwesto sa pangu sa budget office bisan kon may pending appeal pa sa Ombudsman si Gingoyon.
“Katong dismissal ni Emme Gingoyon ug ni Dr. Gianggo were still appealed before the CA (Court of Appeals). Unsay buot pasabot ana? Wala pay vacancy. Dili pa vacant ang position sa budget officer. Di pa vacant ang position sa health officer. In fact, ila pang gi advertise and subsequently gi-appoint si Gingoyon ug Catan. That is the basis of my complaint before the Ombudsman because for all intents and purpose, all were illegal appointments because both positions were not vacant pending appeal before the Court of Appeals sa dismissal sa duha”, matod ni Garcia. (ANV)