NIPAGAWAS og bag-ong kamandoan si Gob. Gwendolyn Garcia kalabot sa pag-ipon sa mga produktong baboy sa usa ka cold storage nga posibleng nataptan sa kagaw ang ubang produkto hinungdan nga a nagpositibo sa African Swine Fever (ASF).
Kagahapon, Nobyembre 6, gipagawas sa gobernador ang Executive Order (EO) 23 nga nagdili na sa pagsulod sa Sugbo sa mga produkto sa baboy, isda o karne sa baka nga nasagol sa mga produkto gikan sa Luzon.
Ang National Meat Inspection Service (NMIS) kauban ang Departmenr of Agriculture (DA) maoy mususi kon nasagol ba ang mga produkto nga padulong sa Sugbo sa mga produkto nga gikan sa Luzon ug positibo usab sa ASF.
Hinuon, ang mga produktona nahisgutan mahimo gihapon nga makasud sa Sugbo basta kompleto sa mga rekisitos sama sa sanitary ug phytosanitary permits, import clearance o veterinary quarantine clearance gikan sa Bureau of Animal Industry (BAI).
Samtang ang mga produkto nga gikan sa Luzon padayong gidid-an sa pagsulod sa Sugbo gawas kon ang gisudlan nga van sa maong mga produkto wa gyud giablihan pag agi sa kauluhan, paglikay sa pagtapot sa kagaw.
Kahinumdoman nga miisyu og lima ka executive orders si Garcia pagpugong sa mga produktong baboy gikan sa Luzon. (ANV)