GIKATAKDA nga buksan na sa sunod semana sa kapitolyo ang pag-bidding sa mga kompanya nga interesado nga mahimong proponent sa giplanong pagbutang og Waste-to-energy facility sa 6.8 nga hektaryang luna nga gipanag-iya sa Probinsya diha sa barangay uling sa dakbayan sa Naga.
Ang WTE usa ka modernong paagi nga gi-adapt na usab sa ubang nasud, i-convert niini ang mga basura sama sa papel, plastic, karton ug uban pa ug ipaagi sa heating process nga muresulta sa enerhiya nga magamit isip kuryente o lana.
Ang maong pasilidad usa sa gitan-aw sa Gobernador nga makatabang pagsulbad sa krisis sa basura sa Sugbo.
“The provincial government will be spearheading this, because for a long time they have been advocating the putting up of waste-to-energy plants as the more efficient solution to garbage management however, it is really a big wonder that up to now there is not a single WTE plant and up to now when we speak of garbage managements we can only speak of sanitary landfills when in fact whether you like it or not these landfills are not sanitary,” matod ni Garcia atol sa interview kagahapon, Huwebes, Nobiyembre 7.
Naidtong Miyerkules, Nobyembre 6, nakigtagbo si Gobernador Gwendolyn Garcia sa napulo ka mga proponents alang sa maong plano.
Kon dili lang malangay sa pre-bidding conferences, buot sa Gobernador nga makapili na sila sa saktong proponent sa di pa matapos ang first quarter sa sunod tuig.
Napulo ang mipakita ug interes isip proponents nga mitambong sa pagpulong mao ang Green Atom Renewable Energy Corp., Integrated Green Technology, New Sky Energy Inc., Waste Management Inc., Aboitiz Power Corp., Udenna Infrastracture Corp., Marubeni Philippines Corp., Metro Pacific Investment Corp., ARN Central Wate Management, Mardee Renewable Energy Developers Corp., ug Fil Products Inc.
Ang maong pasilidad moaubos sa build-transfer-operate scheme.
Gibanabana nga 10% sa gross revenue sa modaog nga proponent sa probinsya. Lakip niini ang kita sa proponent sa tipping fees, sale of power, sale of residual wastes o ba kaha blocks o fertilizers. (ANV)