SUPERBALITA CEBU

Pag-apil ni Leni sa anti-drug war gihangop

HEPE sa Philippine Drug Enforcement Agency (PDEA) 7 positibo nga adunay maayong lintunganay ang pag awat ni Vice President Leni Robredo nga mahimong drug czar sa administrasyong Duterte sa kampanya niini batok sa ilegal nga drugas.

Gidawat na ni Robredo ang mando ni Presidente Rodrigo Duterte nga siya ang mamahimong drug czar sa kampanya sa gobiyerno sa war on drugs niini.

Tungod niini, gikalipay sa kadagkoan sa PDEA nga maoy lead agency sa pagpuhag sa illegal nga drugas tibuok nasud lakip na sa Philippine National Police (PNP).

Si Director Wardley Getalla sa PDEA 7 nagkanayon nga excited siya nga ang bise presidente na ang ilang bag-ong kauban sa kampanya batok sa ilegal nga drugas.

Giangkon hinuon niya nga sa kapin tulo ka tuig na nga war on drugs ni Presidente Rodrigo Duterte ug adunay nakitang kausaban.

Iya kining gihulagway nga malampuson ang gobyerno sa pagpakigbatok sa illgal nga drugas.

Apan kinahanglan pag taas nga panahon una kini hingpit nga mawagtang tungod sa kalapad sa problema niini diin daghang ang apektado nga bisan ang ubang sanga sa gobyerno.

Andam usab sila nga mosunod sa kamandoan sa bise presidente kung unsa man ang estilo sa iyang estratehiya sa pagpuhag sa problema sa illegal nga drugas.

Gidugang niya nga adunay dakong kalahian si Robredo sa pagdumala ni President Rodrigo Duterte sa gubat batok sa ilegal nga drugas apan wala siyay pagduda nga mahimong pakyas unya kini sa mosunod nga mga adlaw.

Wala pa masayod si Getalla unsay kuptan nga cluster sa bise presidente sa Inter-Agency Committee on Anti-illegal Drugs (ICAD )sanglit daghang ahensya ang niglangkob niini.

Dili usab babag ang pamahayag ni Robredo nga angayan nang mahunong ang pinatyanay sa gubat batok sa illegal nga drugas sanglit ang kasagaran sa nga napatay tungod sa pag sukol niini sa mga awtoridad.

Samtang, andam na ang PDEA7 sa pag sunog sa ilegal nga drugas nga ilang nasakmit sa mga anti drug operation sulod sa pipila ka tuig nga adunay pagtugot sa korte.

Matod ni Getalla nga 800 grams lang una ang ilang sunugon sa unang semana sa buwan sa Disyembre sanglit mao lang kini ang gitugotan sa korte sanglit ang uban nagpadayon pa ang kaso.

Iyang gipasabot nga aduna na silay 35 kilos sa shabu ang naa sa ilang kustodiya diin ang kasagaran niini adunay nmga kaso nga gipasaka sa korte nga mahimong dili pa mahilabtan.

Mahimo hinuon nga sunugon ang ubang ebidensya bisan naa pa sa korte ang kaso kung adunay kamandoan sa huwes ug magbilin lang og sample alang sa pagpresentar sa ebidensya sa korte.

Apan kining tanan mag depende ra gyud sa nag kupot nga maghuhukom kung aduna na siyay mando nga angayan na kining sunugon. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph