USA ka lalake nga nagpakaron-ingnon nga tinun-an sa duha ka mga unibersidad giingong nangilad, nangayo og kwarta hinungdan nga gipangita tungod kay daghan na ang nabiktima.
Giila sa University of San Jose Recoletos (USJ-R) ang maong lalake nga si Joselito Dela Cerna Paras Jr., kinsa nigamit og identification (ID) card sa maong tunghaan ug sa University of San Carlos (USC).
Ang USJ-R nibutyag nga daghan nang reklamo ang nadawat sa batok kang Paras, kinsa nigamit og ID sa tunghaan gamit ang ngan sa tinun-an, apan iyang hulagway ang ibutang.
Mga magtutudlo sa Tisa Elementary School sa Barangay Tisa, Dakbayan sa Sugbo nakasakop sa modus ni Paras.
Niadto kini sa maong tunghaan sa Nobiyembre 6, aron mangayo og tabang sa mga magtutudlo. Usa ka magtutudlo nibutyag sa Superbalita Cebu nga maayo mamaba ang maong lalake.
Dihang gipa-verify nila sa USJ-R ang identity, negatibo kini sa ilang records ug daw daghan na sila nga nadawat nga reklamo kabahin niini.
Magdala kini og study load, prospectus, ug ubang mga dokumento aron mangilad gamit ang laing ngan.
Gigamit niini ang identity ni Christian Castro ug Phillip Arabejo ug nagpakaron-ingnon nga graduating sa kursong nursing mao nga nangayo siya og kwarta isip hinabang.
Ang USJR, sa ilang opisyal nga pamahayag, nikompirmar sa modus sa maong lalake.
“This person identifies himself with different names such as Christian Castro and Phillip Arabejo. To convince his victims, he shows them a fake ID bearing the seals of USJ-R or USC,” matod sa pamahayag. (HBL)