NAPILDI pinaagi sa unanimous decision si Nonito “Filipino Flash” Donaire atol sa Unification title fight batok undefeated champion Japanese Naoya “Monster” Inoue karong adlawa, Nobyembre 7, didto sa Super Arena sa Saitama, Japan.
Si Inoue naglangoy sa kadaugan pinaagi sa mga boxing judges scorecards si Luigi Boscarelli 116-111, Robert Hoyle 114-113 ug Octavio Rodriguez 117-109.
Perting siyagit sa mga Filipino-Japanese human nakapabor ug napasulod ni Donaire ang mga body shots sa ulo ug lawas ngadto ni Inoue sa tunga-tunga nga bahin sa duwa.
Apan ang nahimong likuanan sa kadaugan sa Hapon nga si Inoue (19-0, 16KO) mao ang bus-ok, sagunson ug bunal wala tuo ngadto’s lawas ug ulo sa taga Talibon, Bohol nga si Donaire (40-6, 26KO).
Misamot kaamag ang kadaugan ni Inoue dihang miyaka si Donaire sa round 11 dihang misagunto nga ang tiyan niini naigo busa natumba (knockdown).
Gumikan sa kalampusan, ang Hapon nga si Inoue midawat sa World Boxing Association (WBA) ug International Boxing Federation (IBF) Bantamweight 118-lb titles. (Daniel Quindao Guden, US Correspondent)