SUPERBALITA CAGAYAN DE ORO

Gingoog City mibati sa mga biktima sa linog

“KINSA man ang magtinabangay, kita raman.”

Kini ang mensahe ni Gingoog City Mayor Erick Cañosa dihang gibati og maayo ang kapait nga nasinatian karon sa mga biktima sa linog sa Davao Region ug Soccsksargen sa nasod sa Pilipinas.

Tungod niini nagpaabot kini og P1 milyon gikan sa panudlanan sa siyudad sa Gingoog aron makatabang pagbarog sa mga biktima sa linog sa dapit.

Matud ni Cañosa nga dili tiaw ang ilang gibati karon ug miingon nga kinsa man ang motabang kanila kondili kadtong mga lugar nga wala kaayo naapektuhan.

Kinahanglan sa nasod nga susama niining adunay mga biktima sa natural nga mga kalamidad ang magtinabangay ang katawhan aron sayon ang ilang pagbangon.

Kapin 30,000 pa ka mga indibidwal karon panahona ang wala mamauli sa ilang mga tagsa tagsa ka panimalay ug nagpasilong ilawom sa kalubihan gumikan nagpadayon ang kusog nga mga aftershocks sa dapit dihang nasinati ang 6.6 magnitude nga linog niaging semana ug daghan sa mga panimalay ang mga nangaguba.

Aron mapaabot ngadto sa tugkaran sa mga biktima ang tabang gipaagi sa kagamhanan sa siyudad sa Gingoog ang donasyon ngadto sa Red Cross Gingoog Chapter.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph