PADAYON nga gipangita sa kapolisan ang tag-iya sa mga tinanom nga marijuana nga nadiskubre sa Libona Police Station sa umahan sa Purok-5, Barangay Sil-ipon, lungsod sa Libona, Bukidnon.
Ang agricultural lot o umahan gipanag-iyan ni Ariel Nantes kinsa gituohang misibat human atol sa paglusob sa kapolisan nadawat ang report nga adunay gituohang mga tinanom niini.
Pagsusi sa kapolisan sa dapit ilang nakita ang usa ka plastic container nga adunay tanom nga marijuana nga gitagoan taliwala sa umahan. Sa kinatibuk-an adunay gibug-aton nga 1.5 gramos. Gikuhaan na usab og specimen ug positibo nga marijuana ang ilang naibot.
Gipasaka na usab ang kaso may kasupakan sa RA 9165 kon Dangerous Drugs Act batok kang Nantes.