SUPERBALITA CAGAYAN DE ORO

Supervisor nag-bomb joke napriso

  1. BALHOG sa prisohan ang usa ka supervisor human nag-bomb joke dihang nisulod sa usa ka mall niadtong Nobiyembre 6 mga alas 7:40 sa gabii sa C.M Recto Avenue, dakbayan sa Cagayan de Oro.

    Sikop si Dexter Duran, 45, minyo, taga Luyong Bonbon, Opol, Misamis Oriental ug giingong supervisor sa usa ka planta ug lumilihok sa simbahan.

    Sa pakighinabi kang PEMS Terencio Virtudazo, sa Police Station 5 (PS5) sa Macabalan, nibutyag nga dili gyud maayo ang bomb joke.

    “Sa laktod nga pagka istorya nag bomb joke gyud siya, bomb joke so siyempre ang mga security officer naa man tay SOP ato pud siyang ipa-report sa police personnel,” matud ni Virtudazo.

    Samtang giangkon usab ni Duran nasayop sa giingon apan wala nagdahom nga mapaslak kini sa bilanggoan.

    Gidugang pa niini nga nagdali kini niadtong panahona ug wala usab nasayod nga iyang malitok ang maong pulong.

    Gikabutyag nga sa dihang gikapkapan ang iyang bag ug nagunitan sa guwardiya ang iyang sudlanan og tubig nibutyag kini sa maong pulong.

    “Katong nagkapakapa nagunitan niya akong mineral nga tubig sa akong bag ambot nalitok gyud nako tong ‘chief, bomba raba na chief’, kami ra nakadungog walay nagsunod ug walay mga tawo,” matud niini.

    Gidugang pa nga unta gibadlong nalang kining daan sa guwardiya.

    “Maka-ingon ko nga matanggal ko sa ana gamay lang nga pulong pagkatapos ang nahitabo pa gyud isagol ko sa ingon ani nga dili man ko criminal,” dugang pa.

    Nangayo nalang usab kini og pasaylo tungod na usab sa kadaghan sa gihunahuna.

    “Daghan ko og gihunahuna grabe naglakaw ang akong hunahuna physically kung intentionally nisinggit gyud ko,” dugang pa.

    Wala usab kini magdahom nga mapaslak kini sa bilanggoan tungod sa pulong nga bomba kay gani bisan diha sa iyang gitrabahoan maka joke kini sa susama nga pulong.

    Nagpahimangno usab ang kapulisan sa katawhan nga likayan ang mga pagbutyag og pulong nga “bomba” ilabi na sa mga pampublikong dapit tungod kay makaalarma kini sa katawhan.

    Ang makalapas sa bomb joke mahimong mapriso sulod sa unom ka bulan ug multa nga dili mominos sa P600,000.

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph