SUPERBALITA DAVAO

Lokal Kasikas: ‘Usa ka Bundakan sa mga Naig-an’

PIPILA ka banda gikan Davao City ug ubang parte sa Mindanao ug Visayas ang mohimo og dungan nga gig karong Nobyembre 15 aron makatigum og ihatag nga ayuda alang sa komunidad nga naapektuhan sa linog.

Si Acid Radius band member Chester Canonigo, uban ang laing pang 20 ka miyembro sa banda nag-organisa sa “Usa ka Bundakan sa mga Naig-an”, usa ka solidarity gig nga donation drive sab sa mga local artists gikan Davao, Butuan, ug Tacloban.

Suma niya nga anaa sa 70 ka banda ug solo artists gikan sa nagkadaiyang genre ang misaad nga mopartisipar sa pito ka bars ug gig venues sa Davao sama sa Gio’s Crib, Pete’s Point, Suazo Bar, State of Mind Productions, Tipsylogan, TopBuds, ug Zero82 Lokal.

Duha ka bars sab sa Calinan, usa sa Butuan, ug laing usa sa Tacloban ang mipaambit og suporta sa kalihukan.

Ang mga nahisgutang venues magsilbi sab nga donation drop-off points.

Ni Canonigo nga kinsa man kadtong buot motabang mamahimong moadto sa mga nahisgutang venues uban ang entrance fee nga P50.

Niya modawat sila og non-financial donations sama sa pagkaon, de-lata, tubig, mats, habol, mosket, duwaan sa mga bata.

“This is for the rehabilitation period because we have to make sure na ma-sustain natin hanggang sa succeeding weeks,” suma ni Canonigo.

Dugang niya nagsugod na sila og dawat og donasyon sukad Dominggo diin daghan na silang nadawat nga sleeping mats ug habol.

Niya, may water supplies sab nga gipaabot kanila apan nagkuwang pa sila sa logistics.

“I need trucks, gallons, and balikbayan boxes where we can put the donations,” suma niya, diin suma pa, di paigo ang trak niya aron bitbiton ang tanang donasyon nga nadawat.

Sigun ni Canonigo nga ang donasyon itunol nila sa incident command posts sa matag local government units sa apektadong dapit.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph