SUPERBALITA CEBU

Papa gipriso kay anak gikulata

CEBU. Usa ka amahan ang gidakop human gireklamo sa asawa nga gikulata ang 13 anyos nga anak tungod giingong napungot kini kay nagsige ra og atubang sa cellphone sa Barangay Tabunok, Dakbayan sa Talisay. (Hulagway iya ni Fe Marie Dumaboc)

AMAHAN gidakop human gireklamo sa iyang asawa nga gikulata ang ilang anak tungod sa kapungot nga nagsige lang og atubang sa cellphone ang 13 anyos nga batang lalake.

Napriso na sa Talisay City Police Station ug desidido ang inahan nga mopasaka og kaso batok sa 45 anyos niyang bana nga taga Barangay Tabunok, Dakbayan sa Talisay.

Mga ngan sa ginikanan ug bata gipugngan ning mantalaan subay sa balaud.

Ang amahan dali nga gi-citizen’s arrest sa mga barangay tanod, pasado alas 11, Biyernes sa buntag, human nagpakitabang ang inahan.

Matod sa kapulisan sa Talisay City Police Station nga gi-turnover sa mga tanod sa barangay Tabunok ang amahan kay pursigido ang inahan ug anak nga mopasaka og kasong child abuse tungod sa ka bun-og sa bata.

Matod sa inahan nga di kini unang higayon nga gibuhat sa amahan ngadto sa anak.

Gisusi kon nakainum ba og ilimnong makahubog ang amahan. Apan alang sa amahan nga ka usa ra niya nadapatan ang anak kay nasuko na siya human nga wa siya pamatia niini.

Giingon nga sa miaging adlaw pa niya gisugo ang iyang anak sa pagpanglaba.

“Niabot na lang ang laing adlaw, wa pa gihapon na siya manglaba. Nagsige lang og atubang anang iyang cellphone, nagdula. Ka usa ra gani na nadapatan,”saysay sa amahan.

Apan alang sa inahan ug anak nga kanunay na kini gihimo sa amahan ug nga giingon nga angay lang patagmon.

Ang bata gipa-medical check-up na ug andam sila mopasaka og kaso. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph