ANDAM na ang tanan sa 2019 Federation of Parents-Teachers Association (FPTA) Region 11 Sportsfest nga moarangkada, alas 8 a.m., Nobyembre 9, sa Precious International School of Davao (PISD) sa Matina, Davao City.
Si FPTA-Davao sports committee chairperson Antoinette Adle Mendoza, atol sa Davao Sportswriters Association (DSA) Forum sa The Annex sa SM City Davao, Nobyembre 7, nga ang ikalimang edisyon karon nga tuig mas dako itandi sa nanglabay nga tuig.
Suma pa 22 ka tunghaan ang magtigi sa men’s basketball, men’s ug women’s volleyball events.
Ang FPTA-Davao nga naorganisa niadtong 2011 kasamtangang may 124 ka aktibong miyembro.
Si Sports Development Division of the City Mayor’s Office (SDD-CMO) officer-in-charge Mikey Aportadera namahayag, “The sportsfest will end sometime in March next year since we will only have games during weekends and it will be hosted by different member schools. (MLSA)